Президент Байден Конгрессдан Украинани қўллаб-қувватлаш учун ҳарбий, иқтисодий ва гуманитар ёрдам сифатида 33 миллиард доллар (27 миллиард фунт стерлинг) сўрамоқда.

Байденнинг айтишича, америкалик қонунчиларнинг келишувни маъқуллаши «танқидий» ва у Украинага ўзини ҳимоя қилишга ёрдам беради.

Таклиф 20 миллиард доллардан ортиқ ҳарбий ёрдам, 8,5 миллиард доллар иқтисодий ёрдам ва 3 миллиард доллар гуманитар ёрдамни ўз ичига олади.

«Бу кичкина пул эмас», деди жаноб Байден пайшанба куни.

«Аммо тажовузга йўл қўйсак, тажовузкорлик янада қимматга тушади».

Гарчи АҚШ аллақачон Украинага ёрдам беришини эълон қилган бўлсада, таклифлар ёрдамни сезиларли даражада оширмоқда.

Президент Байденнинг айтишича, АҚШнинг Украинага ҳарбий ёрдами ҳозиргача Россия Украинага жойлаштирган ҳар бир танк учун 10 та танкга қарши қуролдан иборат.

Аммо унинг кучли риторикасига қарамай, у АҚШ Россияга ҳужум қилмаётганини айтди. «Биз Украинага Россия агрессиясидан ўзини ҳимоя қилишда ёрдам берамиз», деди у.

Пайшанба куни Россия ТИВ матбуот котиби Ғарбнинг Украинага ҳарбий ёрдам кўрсатиши «қитъа хавфсизлигига» таҳдид солаётганини айтган эди.