Безорилик қилган ўғлининг қилмишлари ортидан Олмалиқ шаҳар ҳокими ишдан олинди

Безорилик қилган ўғлининг қилмишлари ортидан Олмалиқ шаҳар ҳокими ишдан олинди

Бугун Тошкент вилояти Oлмалиқ шаҳрига Хамдамов Қобил Муроткулович ҳоким этиб тайинланди

Қобил Хамдамов мазкур лавозимга тайинлангунга қадар Тошкент вилояти ҳокимининг шаҳарлар инфратузилмасини ривожлантириш, ободонлаштириш ва коммунал хўжалик масалалари бўйича ўринбосари сифатида ишлаб келган.

Йиғилишда аввалги шаҳар ҳокими Усмон Раҳимовнинг ўз шахсий ҳаётига ҳам эътиборли бўлиши, оиласига вақт ажратиши, фарзандлар тарбияси билан жиддий шуғулланиши лозимлиги таъкидланган.

Эслатиб ўтамиз, яқинда Олмалиқ шаҳар ҳокимининг ўғли машинани катта тезликда ҳайдаб, видеосини ТикТок сервисига юклагани, шунингдек бир гуруҳ ўртоқлари билан катта ёшли инсон ва унинг ўғлини дўппослаб, безорилик қилганига оид воқеалар ижтимоий тармоқларда кенг муҳокама қилинган эди.