Агар Россия минтақага газ етказиб беришни тўхтатишга қарор қилса, евроҳудуднинг ялпи ички маҳсулоти (ЯИМ) деярли 1 фоизга қисқариши мумкин. Бу ҳақда сешанба куни Bloomberg Американинг CitiGroup банки мутахассислари баҳосига таяниб хабар берди.

«Хавф сценарийлари нуқтаи назаридан, газнинг тўлиқ тўхтатилиши Шимолий оқим қувурининг 100% ишлашига қайтишдан кўра кўпроқ эҳтимол бўлиб қолмоқда», - дейилади банк экспертлари агентлик томонидан келтирилган эслатмада.

Мутахассисларнинг фикрича, Россия газини етказиб беришнинг тўхтатилиши Евроҳудуд ялпи ички маҳсулотини деярли 1 фоизга камайтириши мумкин, бу эса Европа фонд бозорларининг қулашига олиб келади.

«Россиядан газ етказиб беришнинг тўхтатилиши ва кейинчалик акция бошига тушадиган даромаднинг 10 фоизга қисқариши натижасида юзага келган Европадаги рецессия акциялар нархининг ҳозирги даражадан қарийб 10 фоизга пасайишига олиб келиши мумкин», деди иқтисодчилар.

Бир акцияга тўғри келадиган даромаднинг камайиши билан боғлиқ вазият тахминан бир йил давом этиши мумкин. Натижада энергия нархи ва инфляция ошади. Италия ва Германия энг кўп зарар кўради, деди банк таҳлилчилари.

Сешанба куни The Wall Street Journal нашри хабар беришича, Европа бюджети комиссари Ёханнес Хан, Европа комиссияси қувур бўйича режалаштирилган ишлар тугагандан сўнг, Россиядан Шимолий оқим орқали Европага газ етказиб бериш қайта тикланишини кутмаслигини айтди.

11 июлдан бошлаб Россиядан Европага газ экспортининг асосий йўналиши бўлмиш «Шимолий оқим» орқали етказиб бериш 10 кунга газ қувурида йиллик режали техник хизмат кўрсатиш туфайли тўхтатилди. Канаданинг Россия Федерациясига қарши санкциялари туфайли Siemens Монреалдан ўз вақтида таъмирдан сўнг газ насос агрегатларини қайтариб бермагани учун июнь ойининг ўрталаридан бошлаб Nord Stream максимал қувватининг атиги 40 фоизида фойдаланилди. Канада 9 июль куни янгиланган Siemens турбинасини қайтаришга қарор қилган бўлсада, уни етказиб бериш муддати аниқланмаган. 

Еврокомиссиянинг таъкидлашича, Канада томонидан «Шимолий оқим» турбинаси қайтарилиши Европа Иттифоқининг Россияга қарши санкцияларини бузмайди, чунки улар газ транзити ускуналарига тааллуқли эмас.