«Боғдод пахта тозалаш» АЖ акциялари 13 июндан бошлаб «Тошкент» Республика фонд биржаси (РФБ) биржа котировкалари рўйхатига киритилди, деб хабар бермоқда савдо майдончаси матбуот хизмати .
Корхона 1993 йил август ойида ташкил этилган бўлиб, Фарғона вилоятида жойлашган. Пахта толасини тайёрлаш ва йигириш билан шуғулланади.
Корхона ва ташкилотларнинг ягона давлат реэстри маълумотларига кўра, жамият устав фондидаги улушларнинг 51 фоизи «Пахтасаноат» ҳудудий акциядорлик бирлашмасига, қолган улуши эса турли акциядорларга тегишли.