Италия чемпионатининг 17-тури доирасида бўлиб ўтган «Женоа» ўз майдонида «Болоня»ни қабул қилиб, 2:0 ҳисобида ғалаба қозонди. Ўзбекистонлик футболчи Элдор Шомуродов мазкур баҳсни асосий таркибда бошлаб, 81-дақиқада захирага олинди.
Италиянинг турли нашрлари томонидан Элдорга қўйилган балл ва изоҳлар билан таништириб ўтамиз.
Fantacalcio.it:
"Шомуродов аввалги иккита ўйинда 6,5 балл олганди. "Болоня"га қарши баҳсда у бундай баҳога лойиқ бўла олмади. У ҳозирча ҳужумнинг бошланиш қисмида яхши ҳаракат қилмоқда. "Женоа"нинг биринчи голи бунга исбот бўла олади. У биринчи бўлимни жуда яхши ўтказди, аммо иккинчи таймда бироз йўқолиб қолди. Шунга қарамай, унинг баҳоси — 6.0".
pianetagenoa1893.net:
Шомуродов — 7,0.
Дастлабки 40 дақиқа давомида бир темпдаги ўйин, кейин ақлбовар қилмас парвоз ва одатдагидек ақлли ўйин.
calciomercato.com
Шомуродов — 6,0 (изоҳсиз).
WhoScored
Шомуродов -7,1.
"Женоа" бош мураббийи Давиде Баллардини "Болоня"га қарши ўйин борасида ўз фикрини билдириб ўтди.
"Дестро ўйинда жуда фаол ҳаракат қилди. У ҳам ҳужумда, ҳам ҳимояда ёрқин ўйин кўрсатди. У ажойиб марказий ҳужумчи. Шунингдек, ихтиёримизда Шомуродов ва Скамакка ҳам бор. Улар ҳам юксак иқтидор соҳиби. Бизга эса ҳозирда ҳужумчидан кўра ярим ҳимоячи ва ҳимоячилар керак", — деди Баллардини.