Буюк Британия Бош вазири Борис Жонсон Ҳиндистонга сафари чоғида мусулмонларга тегишли дўконларни бузиш учун ишлатиладиган бульдозерлар ишлаб чиқарадиган заводга ташриф буюрди ва бульдозер билан суратга тушди.
Жонсон Консерватив партияга миллионлаб фунт стерлинг хайрия қилган Энтони Бамфорд томонидан уюштирилган экскурсияда Гужарат штатидаги JCB заводига олиб кетилган. Буюк Британия бош вазири бу ерда бульдозерга миниб, журналистларга суратга тушди.
Жонсоннинг Консерватив партия донори бошчилигидаги компанияга ташрифи ва мусулмонларнинг дўконларини бузишда фойдаланилган JCB бульдозерида тушган сурати танқидларга сабаб бўлди.
«Британия ҳукумати жим томошабин бўлишни бас қилиши керак, чунки Ҳиндистон ҳукумати ҳар куни инсон ҳуқуқларига чекловлар қўймоқда», дея муносабат билдирилди.