Бош консул Россияда зўрланган ўзбек қизининг ҳолидан хабар олди

Бош консул Россияда зўрланган ўзбек қизининг ҳолидан хабар олди

ОАВда вояга етмаган Ўзбекистон фуқаросига нисбатан содир бўлган зўрлаш тўғрисида хабар тарқалгани муносабати билан Ўзбекистоннинг Қозон шаҳридаги Бош консулхонаси мазкур масала назоратга олинганини маълум қилди. Бу ҳақда Ташқи ишлар вазирлиги хабар бермоқда.

2019 йил 15 октябрь куни Бош консул Фариддин Насриев Россия ИИВ Уфа шаҳри Бошқармасининг Чет эл фуқароларини вақтинчалик сақлаш марказига борди, жабрланган ҳамюртимизнинг онаси ва унинг адвокати билан суҳбатлашди, маҳаллий тергов органларига расмий мурожаат қилди.

Олинган маълумотларга кўра ушбу жиноятни содир этишда гумонланаётган Россия фуқароси К.Т.га нисбатан жиноий иш қўзғатилган ҳамда қамоққа олиш чорасини қўллаш ҳақида қарор қабул қилинган.