Бугун XVI ёзги Паралимпия ўйинларининг очилиш маросим бўлади

Бугун XVI ёзги Паралимпия ўйинларининг очилиш маросим бўлади

Хабарингиз бор, Япония пойтахти Токио шаҳрида XVI ёзги Паралимпия ўйинлари бўлиб ўтади.

Тўрт йилликнинг энг нуфузли мусобақаларидан бири бўлган ушбу спорт анжуманининг очилиш маросими бугун, 24 август куни Тошкент вақти билан 15:00 да бўлиб ўтади.   Маросимда Ўзбекистон спорт делегациясининг байроқдори сифатида пара енгил атлетика бўйича икки нафар спортчимиз – Муҳаммад Рехсимов ҳамда Нурхон Қурбонова иштирок этади.  

 25 август куни Паралимпия баҳслари бошланади.  

Эслатиб ўтамиз, Паралимпия ўйинларида 5 мингга яқин пара атлет 540 та медаллар тўплами учун кураш олиб боради. Мазкур мусобақада мамлакатимиздан 48 нафар паралимпиячи 8та спорт тури – пара енгил атлетика, пара сузиш, пара дзюдо, пара таэквондо, пара ўқ отиш, пара пауэрлифтинг, пара каноэ ва пара эшкак эшиш бўйича иштирок этади.