Бухорода транспорт бошқармаси мансабдори ушланди
6.06.2022 14:32,
91
Бош прокуратура ҳузуридаги департамент, ДХХ ва ИИБнинг Бухоро вилояти бошқармалари томонидан тадбиркорлик субъектларининг ҳуқуқларини ҳимоя қилиш мақсадида тезкор тадбир ўтказилган.
Тадбирда Бухоро вилояти Транспорт бошқармаси бўлим бошлиғи Ш.Қ. 9 та автотранспорт воситасига йўловчи ташиш учун лицензия олиб бериш эвазига тадбиркор О.дан 350 долларни пора тариқасида олган вақтида ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.