Чилонзорда 10 ноябргача ёпилган йўлнинг очилиш муддати 5 кунга узайтирилади (фото)

Чилонзорда 10 ноябргача ёпилган йўлнинг очилиш муддати 5 кунга узайтирилади (фото)

Тошкентнинг Чилонзор туманидаги Маҳмуджон Ғафуров кўчасида транспорт воситаларининг ҳаракатланиши 10 ноябргача чеклангани ҳақида хабар берилганди. Тошкент шаҳар ҳокимлигининг маълум қилишича, йўлда таъмирлаш ишлари яна 5 кун давом этади.

Қайд этилишича, мазкур йўл қисмида қўшимча таъмирлаш ишлари олиб борилаётгани сабабли, ҳаракатланишнинг чекланиши 2021 йил 15 ноябрь кунига қадар давом этади.

Ҳокимлик юзага келган ноқулайлик учун узр сўраган.