Чироқчида «Дамас» русумли машинани бошқариб кетаётган ҳайдовчи вояга етмаган болани уриб кетди
6.03.2022 13:31,
55
2022 йил 4 март куни Чироқчи тумани Истиқлол маҳалласи Чаппаариқ қишлоғида яшовчи фуқаро Х.О. бошқарувидаги «Дамас» русумли автомашинаси иштирокида ЙТҲ содир қилди. Бу ҳақда Қашқадарё вилоят ИИБ хабар берди.
Маълум бўлишича, ҳайдовчи машинани «Қарши-Чим-Чироқчи-Шаҳрисабз» йўлининг Чироқчи тумани Дам қишлоғи ҳудудидан бошқариб бориб, йўлни ўнг томонидан чап томонига пиёда кесиб ўтаётган туманнинг Лангар маҳалласида яшовчи вояга етмаган Н.Э.ни уриб юборган. Натижада Н.Э. тан жароҳати олиб шифохонага тушган.
Ҳолат юзасидан Чироқчи туман ИИО ФМБ ҳузуридаги Тергов бўлими томонидан терговга қадар суриштирув ишлари олиб борилмоқда.