Яқинда Samsung компанияси Нью-Йоркда ўтказилган матбуот анжуманида Galaxy S8 ҳамда Galaxy S8+ флагман смартфонларини расман тақдим қилганидан хабарингиз бор. Унда кўплаб инновацион технологиялар жорий этилган, деб ёзади Terabayt сайти.
Шулар қаторида алоҳида таъкидланаётган бир жиҳати – бу смартфон ўз эгасининг нафақат бармоқ изи ва кўз пардасини сканерлаши, балки унинг қиёфасини ҳам таниб олиши бўлди. Аммо айни шу жойига келганда, Samsung бир нарсани инобатга олмаган кўринади. Чунки, бу йўл билан ҳимояланган янги флагманларни алдаш йўли топилди!
Гап шундаки, юзни таниш технологияси инсон юзидаги муайян нуқталарнинг жойлашуви орқали ишлайди. Hi-Tech Mail.ru нашри эса, Galaxy S8’ни шу функция орқали алдаш мумкин, деган миш-мишларни синаб кўрди ва… Яхшиси, буёғини қуйидаги видеолавҳада ўзингиз кўриб олинг:
Кўриб турганингиздек, янги смартфонлар эгалари ўзларининг севимли девайсларини блоклаш учун бошқа усуллардан фойдаланганлари маъқул экан.