Буюк Британия қироличаси Елизавета II коронавирус пандемияси сабаб миллатга мурожаат қилди. Қироличанинг мурожаати BBC телеканали орқали транляция қилинди.
Қиролича бу оғир вазиятда фуқароларни кайфиятни туширмасликка, ўзаро тартиб-интизомга риоя қилишга ва бирдамликка чақирди.
Елизавета II коронавирус пандемиясини Иккинчи Жаҳон урушига қиёслаб, ундаги берилган қурбонлар ҳаммага дарс бўлиши кераклигини эслатди.
"Умид қиламанки, келажакда барча ушбу қийин вазиятни енгиб ўтганимиздан фахрланиб юради", деди қиролича.
Шунингдек, у британияликларни оғир синовларга қарамасдан "яхши кунлар қайтишига" ишонишга чақирди.