Европа Иттифоқи Россия нефтига эмбарго қўя оладими? Бу ҳақда «BBC news» манбаси хабар бермоқда.
Австралия, Буюк Британия, Канада ва АҚШ Россия нефтини сотиб олишни тўғридан-тўғри тақиқлади, бироқ Европа Иттифоқининг 27 аъзоси умумий эмбарго бўйича ҳалигача келиша олмади.
Европа Иттифоқи Россияга қарши санкцияларнинг олтинчи босқичи доирасида йил охиригача Россия нефтини импорт қилишни тақиқлашга интилмоқда, деб хабар бермоқда Reuters дипломатик манбаларга таяниб. Бундан ташқари, агентлик маълумотларига кўра, янги санкциялар пакетида Венгрия ва Словакия учун алоҳида истиснолар кўрсатилиши мумкин.
Душанба куни Германия нефть эмбаргосига жорий йилнинг охиригача бардош бериши мумкинлигини айтди, аммо таъминотда узилишлар бўлиши мумкин. Венгрия Европа Иттифоқининг мумкин бўлган эмбарго қарорига вето қўйиш билан таҳдид қилди.
Европадаги кўплаб нефтни қайта ишлаш заводлари ўзлари Россия нефтини сотиб олишни тўхтатдилар ёки амалдаги шартномалари тугаши билан буни амалга оширишга ваъда беришди. Айни пайтда Ҳиндистон ва Хитой Россия нефтини сотиб олишда давом этмоқда.