Тижорат кўчмас мулкига сармоя киритадиган маблағлар жаҳон иқтисодиётининг молиявий барқарорлигига таҳдид солади. Бу ҳақда Европа Марказий банки таҳлилчилари маълум қилишмоқда.

Сўнгги ўн йил ичида кўчмас мулк инвестиция фондларининг соф активлари қиймати уч баробардан зиёд ошди. Ҳозир уларнинг миқдори бир триллион евродан ошади. Бундай инвесторларнинг активлари кўпинча ликвид бўлмаганлиги сабабли, улар қисқа вақт ичида пул ололмайдилар. Бу яқинда Silicon Valley Bank, Silvergate Bank ва Signature билан содир бўлганидек, банкротликка олиб келиши мумкин.

Сўнгги пайтларда инвестиция фондларининг бозорлар билан ўзаро боғлиқлиги кучайганлиги сабабли, уларнинг қулаши тижорат кўчмас мулки учун "тизимли оқибатларга олиб келиши мумкин" ва молия тизими ҳамда умуман реал иқтисодиёт барқарорлигига путур етказиши мумкин, дея огоҳлантирмоқда таҳлилчилар.

Мисол тариқасида улар мижозларга тўловларни чеклаши, мулкнинг бир қисмини сотиши ва янги инвестицияларни жалб қилиши керак бўлган Блаcкстоне Blackstone Real Estate Income Trust компаниясини келтирди.

Тижорат кўчмас мулк бозори пандемия даврида, кўплаб ходимлар масофавий ишлашга ўтказилганда ва бизнеснинг бир қисми онлайн савдога ўтганда зарар кўрди. Энди ноаниқ иқтисодий истиқбол ва инфляцияга қарши курашиш учун фоиз ставкаларининг тез кўтарилиши саноат учун қўшимча хавф туғдиради.