Евростатнинг дастлабки маълумотларига кўра, июнь ойида евроҳудудда йиллик инфляция 8,6 фоизгача тезлашди. Бу ҳисоб-китоблар тарихидаги рекорд кўрсаткичдир. Евро ҳудуди мамлакатларининг деярли ярмида нархларнинг ошиши икки хонали рақамга етди. Энг сезиларли ўсиш Болтиқбўйи мамлакатларида қайд этилган (тахминан 20%).
Нархлар ўсишининг энг юқори суръатлари энергия ташувчиларга тўғри келади, уларнинг нархи йиллик ҳисобда 41,9% га ошди. Озиқ-овқат, алкоголь ва тамаки 8,9 фоизга қимматлашди.