Эйнштейннинг устозига тегишли бўлган Страдивари скрипкаси $15,3 миллионга сотилди
12.06.2022 20:38,
40
Страдивари томонидан 1714 йилда ясалган ва Алберт Эйнштейннинг устозига тегишли бўлган ноёб скрипка 15,34 миллион АҚШ долларига сотилди. "Да Винчи" номи билан аталувчи чолғу асбоби "Tarisio Auctions" томонидан сотувга қўйилган.
У 40 йил мобайнида мусиқачи Тоша Зайделга тегишли бўлган. Ижодкор ҳаётлик даврида АҚШ, Европа, Австралия бўйлаб гастроль сафарларини уюштирган, Нью-Йоркда Альберт Эйнштейн билан танишган ва унга скрипка чалиш бўйича дарс ўтган.
Маълумотларга кўра, Зайдель скрипкани 1924 йилнинг 27 апрель санасида 25 минг доллар эвазига сотиб олган. Унинг вафотидан кейин чолғу асбоби торонтолик мусиқачи Мюриел Рубинга сотилган.