Давлат Думаси учинчи ўқишда 2022 йил 1-центабрдан 30 ноябргача бўлган даврда «Газпром» учун фойдали қазилмаларни қазиб олиш солиғини (МEТ) бир марталик ойига 416 миллиард рублга ёки жами 1,248 триллион рублга ошириш тўғрисидаги қонунни қабул қилди.

Энди компания Россия бюджетига бир триллион рублдан ортиқ маблағ беришга мажбур. Молия вазирлиги аввалроқ бу ташаббус Европадаги газ нархининг юқорилиги билан боғлиқ эканини айтган эди.

Мутахассисларнинг фикрича, қўшимча харажатлар компаниянинг жорий йилдаги соф фойдасини 323 миллиард рублга камайтиради. Февраль ойида Молия вазирлиги компаниянинг рекорд даражадаги фойдасига қарамай, «Газпром» га солиқ юкини оширмаслигини даъво қилган эди.

30 июнь куни компания акциядорлари 2021 йил учун дивидендлар тўламасликка қарор қилгани маълум бўлди. Шу сабабли «Газпром» акциялари учдан бирига тушиб кетди. Айни пайтда, Европада газнинг биржа нархлари 5 июль куни савдолар очилишида март бошидан бери илк бор минг куб метр учун 1800 доллардан ошди.