Genesis Innovation (Ўзбекистон) IT-компанияси «Кафолат» АЖ акцияларининг 21,54 фоизини сотиб олди.
Биржадан ташқари савдо битими 16 июль куни бўлиб ўтди, унинг давомида Genesis Innovation суғурта компаниясидаги улушини 67,51 фоизга ёки 9,6 миллиард акцияга оширди.
«Кафолат» акциядорлик жамиятининг 2022 йилнинг биринчи чорагидаги молиявий ҳисоботига кўра, корхонанинг соф фойдаси 559,7 миллион сўмни ташкил этган бўлса, ўтган йилги кўрсаткич 331 миллион сўмни ташкил қилган.