Германиянинг Uniper SE энергетика концерни Германия ҳукумати билан компания учун молиявий ёрдам бериш бўйича музокараларни бошлади. Бу ҳақда Bloomberg манбаларга таяниб ёзмоқда.

Қайд этилишича, энергетика компанияси Германия расмийларидан тўққиз миллиард еврогача бўлган миқдорда ёрдам сўраган. Ҳукумат шунингдек, кредитлар, акцияларда иштирок этиш ва харажатларнинг бир қисмини истеъмолчиларга ўтказиш каби бир қатор чора-тадбирларни жорий этишга рухсат беради, деди Bloomberg манбалари.

Бундан ташқари, Германия ҳукумати расмийларга қийинчиликларга дуч келган энергетика компаниялари улушларини сотиб олишга рухсат берувчи қонун лойиҳасини ишлаб чиқмоқда. Ушбу чора истеъмолчиларга газ нархининг ошиши билан боғлиқ муаммоларнинг аксариятини ўз зиммасига олишга ёрдам беради. Вазирлар Маҳкамаси ушбу ҳафтада ташаббусни маъқуллаши кутилмоқда.

Bloomberg агентлиги билан суҳбатлашган таҳлилчиларга кўра, Uniper Россия газини етказиб бериш чекланиши туфайли кунига 30 миллион евро йўқотмоқда.

Аввалроқ Европада газ етказиб беришнинг қисқариши туфайли 50 фоизга қимматлашиши башорат қилинган эди. BCS Global Markets компаниясининг нефть ва газ бўйича катта таҳлилчиси Рон Смит шундай фикр билдирди.