Ҳар бир ҳудудда Ёшлар технопарклари ташкил этилади

Ҳар бир ҳудудда Ёшлар технопарклари ташкил этилади

Бу ҳақда АОКАда бўлиб ўтган брифингда Инновация вазирлиги бошқарма бошлиғи Фирдавс Неъматзода маълум қилди.

Технопарклар фаолиятининг асосий вазифалари қуйидагилардан иборат бўлади:

- ҳудудларда вазирлик ҳузуридаги Ёшлар академиясининг фаолиятини ривожлантириш, ёшларнинг интеллектуал, илмий, ижодий салоҳиятини ошириш;

- ҳудудларда ёшларнинг таҳлилий фикрлаш, уларни илмий-тадқиқот ва инновацион фаолиятга кенг жалб этиш;

- ёшларнинг «стартап» лойиҳаларини ривожлантириш ва уларни амалга ошириш учун ягона майдон ташкил этиш орқали ҳудудларнинг инновацион салоҳиятини ошириш;

- ҳудудларни сифатли, юқори технологияли маҳсулотлар ва хизматлар билан таъминлаш мақсадида илм-фан, таълим ва ишлаб чиқариш интеграциясини чуқурлаштириш;

- иқтидорли ёшларни ривожланган хорижий мамлакатларнинг нуфузли илмий марказлари, университетлари, технопарклари ва ишлаб чиқариш ташкилотларида малака оширишларига кўмаклашиш;

- иқтидорли ёшлар томонидан таклиф этилган долзарб йўналишлар бўйича лойиҳаларни саралаш ҳамда вазирлик томонидан мавзуга оид грантлар бериш юзасидан эълон қилиб бориладиган танловларга йўналтириш.