Хитойнинг Huawei компанияси Россиядаги 19 та дўконидан тўрттасини ёпди. Хитойнинг Huawei телекоммуникация компанияси Россиядаги дўконларини ёпишни бошлади, дея хабар бермоқда «РИА Новости» манбаларга таяниб.

Агентлик маълумотларига кўра, айни пайтда 19 та дўкондан 4 таси ўз фаолиятини тўхтатган. Яқин келажакда тенденция давом этиши кутилмоқда.

«Москва Ривиера» савдо марказидаги дўкон биринчи бўлиб ёпилди. Бу 28 февраль куни содир бўлди. Кейин Уфа, Новокузнетск, Ростов ва Дондаги савдо нуқталари ишламай қолди.

Мумкин бўлган сабаблар орасида етказиб бериш занжири узилиши шароитида омборлардаги захираларнинг тугаши, шунингдек, Россияда компаниянинг маҳсулотларига талабнинг пасайиши киради.

Аввалроқ, Huawei Россияга телекоммуникация ускуналари етказиб беришни қисқартирган эди. Компания 5G алоқа технологиялари бозорида жаҳон етакчиларидан бири ҳисобланади.