Ички ишлар вазирлиги Тошкентдаги уйнинг балконида ишқий муносабатда бўлганларнинг кимлигини аниқлади

Ички ишлар вазирлиги Тошкентдаги уйнинг балконида ишқий муносабатда бўлганларнинг кимлигини аниқлади

Тошкент шаҳар Олмазор туманидаги кўп қаватли уйларнинг балконида ишқий муносабатда бўлганларнинг шахсига аниқлик киритилди. Бу ҳақда Ички ишлар вазирлиги матбуот котиби маълумот берди.

Маълум бўлишича, Тошкент шаҳрининг Олмазор туманида жойлашган кўп қаватли уйларнинг балконида тасвирланган одамлар икки фарзандли расмий никоҳдаги оила экани аниқланган. Шунингдек, улар чет эл фуқаролари бўлиб, Тошкент шаҳрида тадбиркорлик фаолияти билан шуғулланиб, мазкур хонадонда ижарада яшаши қайд этилган.

Таъкидланишича, улар томонидан ҳеч қандай қонун бузилиш ҳолатлари аниқланмаган. Ушбу оиланинг шахсий ҳаёти тасвирланган видеолавҳанинг ижтимоий тармоқларда тарқалишига сабабчи бўлган фуқаронинг ҳаракатлари ҳуқуқий баҳоланади.

Иш якуни бўйича жамоатчиликка тўлиқ ахборот берилишини маълум қиламиз.

ИИВ Ахборот хизмати раҳбари Ш.К.Ғиёсов