Instagram босқичма-босқич янгиланишлар жорий этиб боради. 19 октябрдан эътиборан иловада Collabs функцияси пайдо бўлади. У икки фойдаланувчига бир вақтнинг ўзида қўшма пост эълон қилиш имконини беради. Бундай қўшма постларга босилган лайклар ва битилган шарҳлар ҳам умумий бўлади — бу ҳақда 'Spot' хабар бермоқда.
20 октябрь куни Instagram нотижорат ташкилотлар учун маблағ йиғиш имкониятини тақдим этувчи функцияни ишга туширади.
21 октябрдан бошлаб эса бутун жаҳон бўйлаб фойдаланувчилар фотосуратларни, шунингдек, давомийлиги бир дақиқадан ошмайдиган видеотасвирларни десктопдан юклашлари мумкин бўлади. Instagram бу функцияни июнь ойида синовдан ўтказган эди.
Шунингдек, 21 октябрда мазкур ижтимоий тармоқда Reelsʼда қўшиқларнинг 3D матнлари каби янги функциялар пайдо бўлади.