Пайшанба куни эълон қилинган тадқиқотга кўра, икки инвазив тур, америкалик буқа қурбақаси ва жигарранг дарахт илони 1986 йилдан 2020 йилгача экинларга зарар етказишдан тортиб, электр таъминотидаги узилишларгача бўлган муаммоларни келтириб чиқарган ҳолда дунёга тахминан 16 миллиард доллар зарар келтирган.

Scientific Reports журналида чоп этилган тадқиқотга кўра, lithobates catesbeianus деб номланувчи жигарранг-яшил қурбақа оғирлиги 2 фунт (0,9 килограмм) дан ортиқ бўлиши мумкин.

Жигарранг дарахт илони ёки boiga irregularis Тинч океанидаги оролларда, жумладан Гуам ва Марианна оролларида назоратсиз равишда кўпайган, бу тур Иккинчи жаҳон урушида АҚШ қўшинлари томонидан олиб келинган, дейди тадқиқотчи Исмаэл Сото.

Баъзида илонлар шу қадар кўп бўлганки, улар электр жиҳозлари устида судралиб, электр таъминотида узилишларга сабаб бўлган.

Юқорида айтилган хабарлар тадқиқотларда тасвирланганидек, инвазив турлар билан боғлиқ  маълумотларни йиғиш орқали олинган дейилади манба хабарида.

Инвазив тур деб ўз табиий тарқалиш ҳудудидан ташқаридаги жойга олиб кирилган ва янги ҳудудларга салбий таъсир кўрсатган ёки кўрсатиши мумкин бўлган турга айтилади.