Жорий йилнинг 30 май куни соат 19:30 ларда, Жиззах вилояти, Ш.Рашидов тумани, Раваллиқ МФЙ, Гулшан кўчасида, ҳайдовчи 1959 й.т. Т.Н. (эркак) “Газ-69” русумли транспорт воситасида стол-стулларни, шу кўчадаги яшовчи Н.З.нинг хонадонига олиб келган ва машинани қаровсиз қолдирган.
Бирга келган таниши, 2005 й.т. С.Э. (ўғил бола) автомобилни ўзбошимчалик билан ҳайдамоқчи бўлиб, юргазиб юбориши натижасида вояга етмаган пиёда, шу уйнинг олдида ўйнаб юрган, 2014 й.т. Б.Х.ни уриб юбориб, ЙТҲ содир этган.
Натижада, вояга етмаган 6 ёшли Б.Х. (ўғил бола) оғир тан жароҳатлари олиб воқеа жойида вафот этган.
Мазкур ҳолат юзасидан Ш.Рашидов туман ИИБ ҳузуридаги ТБ томонидан Ўзбекистон Республикаси Жиноят Кодексининг 266-модда 2-қисми билан жиноят иши қўзғатилган.
* * *
Жорий йилнинг 30 май куни соат 19:50 ларда, Қашқадарё вилояти, Яккабоғ тумани, Нурафшон МФЙ ҳудудидан ўтувчи 4К-319 “Танхоз-Яккабоғ-Эсат-Қозок” автомобиль йўлининг 6 км.да ҳайдовчи, 2001 й.т. Б.Р. (эркак) “Комби-Москвич-ИЖ” русумли транспорт воситасини Яккабоғ шаҳри йўналиши томон бошқариб бораётиб, йўлнинг чап томонидан ўнг томонига югуриб ўтаётган пиёда, 2007 й.т. Ғ.Т.ни уриб юбориб, йўлнинг чап томонидаги каналга ағдарилиб, ЙТҲ содир этган.
Натижада, пиёда 13 ёшли Ғ.Т. (ўғил бола) оғир тан жароҳатлари олиб шифохонада вафот этган.
Мазкур ЙТҲ юзасидан Яккабоғ туман ИИБ ТБ томонидан суриштирув ишлари олиб борилмокда.