Жо Байден: НАТОдаги Швеция ва Финляндия Европа хавфсизлиги учун бурилиш нуқтасидир. Бу ҳақда «BBC news» манбаси хабар берди.

Қўшма Штатлар Швеция ва Финляндиянинг НАТОга қўшилиш ҳақидаги тарихий қарорини тўлиқ қўллаб-қувватлайди, деди АҚШ президенти Жо Байден.

Жорий ҳафтада иккала давлат ҳам альянсга расмий аризаларни топширди, шундан сўнг янги аъзоларни қабул қилиш ҳақидаги қарор блокка киритилган мамлакатлар парламентлари томонидан ратификация қилиниши керак. Бунга ҳозирча фақат Туркия ва раҳбарлари маълум шартлар қўйган Хорватия қарши чиқди. Аммо Ғарб етакчилари Хелсинки ва Стокголмнинг таклифи тез орада маъқулланишига ишонишади.

Финляндия ва Швециянинг нияти НАТОнинг Россия чегаралари яқинида кенгайиши мумкинлигидан Кремлнинг кескин норозилиги фонида Европа сиёсатидаги катта ўзгаришларни англатади.

Пайшанба куни Жо Байден Швеция ва Финляндия таклифлари Европа хавфсизлигида бурилиш нуқтаси эканлигини ва қитъанинг шимолидаги давлатларнинг қўшилиши бутун иттифоқ позициясини мустаҳкамлашини айтди.

«Тўғридан-тўғри айтаман: НАТОга янги аъзоларнинг кириши ҳеч бир давлат учун хавф туғдирмайди. НАТОнинг мақсади агрессиядан ҳимояланишдир. Бу тарихий кунда ҳеч ким адашмасин», - деди АҚШ президенти.