JPMorgan Chase & Co иқтисодчилари АҚШ иқтисодиёти учун прогнозни ёмонлаштирди. Бу, биринчи навбатда, истеъмол талабининг заифлашиши билан боғлиқ. Йилнинг иккинчи ярмида JPMorgan ялпи ички маҳсулотнинг ўсишини аввалги прогноздаги 2,5 фоизга нисбатан йиллик ҳисобда 1 фоиз даражасида кутмоқда.

«Бизнинг прогнозларимиз рецессияга хавфли даражада яқин. Аммо биз ҳали ҳам иқтисодиётнинг кўтарилишини кутмоқдамиз, қисман озиқ-овқатга бўлган талаб пасайган тақдирда ҳам иш ўринлари сақланиб қолади, - деди JPMorgan бош иқтисодчиси Майкл Фероли Bloomberg'га.

ЯИМ ўсиши охирги чоракда 1,5% га тезлашиши мумкин, чунки инфляция секинлашиши ва автомобиль ишлаб чиқариш кўтарилиши мумкин.

Халқаро валюта жамғармаси прогнозларига кўра, АҚШ ялпи ички маҳсулотининг ўсиш суръати 2022 йилдаги 2,9 фоиздан 2023 йилда 1,7 фоизга ва 2024 йилда 0,8 фоизга қисқаради. Ташкилотнинг фикрича, АҚШ рецессиядан қочиш учун имкониятларини торайтирмоқда.