ЖССТ "COVID-19" келиб чиқишини ўрганишнинг навбатдаги босқичи учун таклифлар тайёрлайди

ЖССТ

Жаҳон соғлиқни сақлаш ташкилоти мутахассислари "COVID-19"нинг келиб чиқишини ўрганишнинг иккинчи босқичини бошлаш бўйича таклифлар тайёрлайди. Бу ҳақда ЖССТ вакили Фадела Шаиб айтиб ўтган.

Унинг сўзларига кўра, Жаҳон соғлиқни сақлаш ташкилотининг Бош директорига инфекциянинг келиб чиқишини ўрганишнинг янги босқичини ўтказиш бўйича таклифни тайёрлаш биринчи ҳисобот учун вазиятни баҳолашни тайёрлаган техник гуруҳ томонидан кўриб чиқилади. Шу ўринда, Шаиб эҳтимол бошқа мутахассисларга мурожаат қилиш керак бўлади, деб қўшимча қилди. Тадқиқот қачон ўтказилиши ҳали эълон қилинмаган.

Аввалроқ АҚШнинг БМТдаги доимий ваколатхонаси Жаҳон соғлиқни сақлаш ташкилотини коронавирус келиб чиқишини ўрганишнинг иккинчи босқичига ўтишга чақирган эди.

Эслатиб ўтамиз, Жаҳон соғлиқни сақлаш ташкилоти мутахассислари ХХР ҳамкасблари билан биргаликда олиб борган биринчи текширув инфекция қаердан келиб чиққанлиги ҳақидаги саволга аниқ жавоб олишга имкон бермади.