Канада ташқи ишлар вазири Жоли Россиянинг нефть ва газ секторига қарши санкцияларни эълон қилди.
Канада ташқи ишлар вазири Мелани Жоли Россиянинг нефть-газ сектори ва кимё саноатига қарши санкциялар жорий қилмоқда. Унинг баёноти ҳукумат сайтида эълон қилинди.
Янги чора-тадбирлар ушбу соҳалар учун муҳим бўлган қатор хизматларни, жумладан менежмент, бухгалтерия ҳисоби ва консалтинг каби соҳаларни кўрсатишни тақиқлашни назарда тутади.
«Нефть, газ ва кимё саноатига хизматлар кўрсатишни тақиқлаш Россия федерал бюджети даромадларининг қарийб 50 фоизини таъминлайдиган секторга тааллуқлидир», дейилади Канада ҳукумати сайтида.
Москванинг Украинадаги ҳарбий амалиёти бошланганидан бери Канада Россия, Беларус ва Украинанинг ўзидан 1000 дан ортиқ шахсга нисбатан санкциялар киритди. Канада 31 май куни Россияга қарши иқтисодий санкцияларнинг аввалги пакетини киритди. Кейин рўйхатга тўртта компания ва 22 жисмоний шахс, жумладан Олимпия чемпиони ва Миллий медиа-холдинг директорлар кенгаши раиси Алина Кабаева киритилди.