Буюк Британия мудофаа штаби раҳбари Ник Картернинг баёнот беришича, мамлакат Россия ёки бошқа мамлакатлар томонидан уюштирилаётган киберҳужумлар туфайли уруш ҳолатида қолди. Бу ҳақида РИА Новости хабар берди.
Унинг таъкидлашича, ҳозирги замондаги уруш ўтмишдаги классик жанглардан фарқ қилади.
«Катта давлатларнинг рақобати ва нодавлат иштирокчилар билан ғоялар кураши хавфсизлик учун ҳар куни таҳдид солмоқда... Россия бугун беш йил олдингидан кўра кўпроқ таҳдид солмоқда», деди Картер.
Шу билан бирга, у Буюк Британияга ҳужум қилаётган давлатлар қарама-қарши тактика ва воситалардан фойдаланишини таъкидлади. Картер мамлакатга амалга оширилган киберхуружларга жавоб бериш учун йўл топиши кераклигини таъкидлади.