«Вектор» маркази (Россия) лабораториясининг собиқ раҳбари Александр Чепурнов коронавирусга қарши иммунитет вирусга чалиниб соғайганларда тахминан ярим йил сақланиб қолиши мумкинлигини айтди.
Мутахассиснинг таъкидлашича, коронавирусга чалинганларда 3-4 ойдан кейин антитаналар миқдори камая бошлайди ва тўлиқ йўқолиши мумкин. 5-6 ойдан кейин эса иммунитет коронавирус антигенига умуман жавоб бермай қўяди.
«Шу сабабли коронавирусга қарши пайдо бўлган иммунитет — ярим йиллик деб баҳолайман. Биз ҳозирда айнан шундай бемор ортидан кузатмоқдамиз. У бир ой аввал аъло даражадаги иммунитетга эга бўлиб туриб, биринчи касалланишдан 6 ой ўтиб яна вирусга чалинди.
Бундан келиб чиқсак, апрель ва майда касалланганлар ҳозирда вирусга қайта чалиниш хавфи остида», деб огоҳлантирган мутахассис.
Чепурновнинг фикрича, касалланганлар сонининг ошиши коронавирусга қарши оммавий иммунитетни шакллантиришга ёрдам бермайди.