Россия ташқи ишлар вазири Сергей Лавров Европа Иттифоқи можароларни ҳал этишда кафил сифатида ўзининг тўлиқ муваффақиятсизлигини кўрсатди, деди. Бу ҳақда ТАСС хабар бермоқда .
Унинг айтишича, 2014 йил февралида Европа Иттифоқи собиқ президент Виктор Янукович ва мухолифат ўртасида Украинадаги вазиятни тартибга солиш бўйича келишувнинг бажарилишини кафолатлаган. Шу билан бирга, "мухолифат бу келишувни бузганида" Европа Иттифоқи ҳеч нарса қилишдан бош тортди ва "баъзи демократик жараёнлар" ҳақида гапирди.
Аввалроқ, Лавров Европа Иттифоқи Сербия ва бошқа Болқон давлатларига Россияга қарши санксияларга қўшилиши учун мисли кўрилмаган босим ўтказаётганини айтганди. Россия ТИВ раҳбари Европа Иттифоқининг ташқи сиёсатдаги ташаббуслари борган сари аксилроссияга айланиб бораётганини қайд этди. Унинг фикрича, уларнинг интеграция жараёнлари ва қонун устуворлигига алоқаси йўқ.