Мадридда Муҳаммад Хоразмий ҳайкали ўрнатилди

Мадридда Муҳаммад Хоразмий ҳайкали ўрнатилди

 

 Испаниянинг энг йирик олий ўқув юртларидан бири бўлган Комплутенсе университети 1499 йил ташкил этилган. Бугун у мамлакат университетлари орасида биринчи ўринда туради.

 Муҳаммад Хоразмий ҳайкали физика, кимё ва математика факультетлари бинолари ўртасида жойлашган боғ ҳудудида ўрнатилди.

 Ўзбекистоннинг Испаниядаги элчиси Жаҳонгир Ғаниев ўз сўзида буюк мутафаккир ва олим, бобокалонимиз Муҳаммад Хоразмий ўзининг кашфиётлари билан дунё илм-фани ривожига беқиёс ҳисса қўшганини таъкидлади.

Комплутенсе университети ректори Хоакин Гояче Гони барча замонларнинг даҳоларидан бири, буюк мутафаккир Муҳаммад Хоразмий ҳайкали университетнинг Билимлар майдонида ўрнатилгани ва бу олий таълим муассасаси учун катта шараф эканини қайд этди.