Самарқанд вилоят ҳуқуқни муҳофаза қилувчи органлар ходимлари томонидан Самарқанд шаҳрида ўтказилган тезкор тадбир ана шундай раҳбарнинг коррупцион фаолиятини фош этди. Бу ҳақда zarnews.uz хабар бермоқда.

Қайд этилишича, "Микрокредитбанк" Самарқанд филиали раҳбари, 1982 йилда туғилган Б.Ҳ. Самарқанд шаҳридаги масъулияти чекланган жамиятга 2 миллиард сўм кредит ажратиб бериш эвазига тадбиркордан 10 минг АҚШ доллари миқдорида пора сўраган.

Тадбиркордан даставвал 4 минг АҚШ доллари олади. Сўралган пулнинг қолган 6 минг долларини олаётган вақтда эса порахўр банк раҳбари ашёвий далиллар билан қўлга олинди.

Ҳозирда мансабдорга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.