Миллий гвардия ходимларига уй ижараси учун ойлик компенсация тўланади

Миллий гвардия ходимларига уй ижараси учун ойлик компенсация тўланади
Мазкур қарор лойиҳаси «Ўзбекистон Республикаси Миллий гвардияси тўғрисида»ги қонуннинг 37-моддасига мувофиқ ишлаб чиқилган. Қарор лойиҳаси билан Миллий гвардия органлари ходимларига турар жойларни ижарага олганлик (ижарада турганлик) учун ҳар ойлик пул компенсациясини тўлаш тартиби тўғрисидаги низомни тасдиқлаш назарда тутилмоқда. Низомда Миллий гвардия органлари ходимларига турар жойларни ижарага олганлик (ижарада турганлик) учун пул компенсацияси тўлаш миқдори ва тартиби батафсил ёритилган.

Шунингдек, лойиҳа Миллий гвардия органлари ходимларининг турар жойларни ижарага олгани (ижарада тургани) учун пуллик компенсация тўлаш тартибини белгиловчи ҳуқуқий асос яратилишига, бундан ташқари, Миллий гвардия органлари ходимларини ижтимоий жиҳатдан ҳимоя қилиш самарадорлигини янада оширишга хизмат қилади. Қарор давлат бюджетидан қўшимча равишда бир йилда 782 миллион сўм маблағ ажратилишини талаб этади.