2022 йил 25 апрель куни Ўзбекистон Республикаси ИИВга фуқаро М.А. ариза билан мурожаат қилиб, жорий йилнинг апрель ойи бошларида Наманган вилоятида яшовчи «Санжар» исмли шахс унга Наманган шаҳар ҳокимлигида ишловчи «Ўткир» исмли акаси орқали унга бўш ер майдони олиб беришини ҳамда «Ўткир» ва «Камрон» исмли шахслар билан таништирганлигини, ушбу шахслар унга Уйчи тумани «Якка тут нурли замин» фермер хўжалиги балансидаги бўш 1 гектар ер майдонини 43.000 АҚШ долларига ҳокимиятдаги танишлари орқали расмийлаштириб беришга ваъда берганликларини маълум қилиб, уларга нисбатан қонуний чора кўришни сўраган

Мазкур аризага асосан, 2022 йил 26 апрель куни Ўзбекистон Республикаси ИИВ ЖҚББ КваИЖҚКБ ходимлари томонидан Наманган вилояти ИИБ, вилоят прокуратураси, ДХХ вилоят бошқармаси ходимлари билан ҳамкорликда Наманган шаҳар, А.Навоий номидаги кинотеатр биноси олдида ўтказилган тезкор тадбир давомида, У.С., унинг акаси Ў.У ҳамда К.Э. аризачи М.Акмалхўжаевадан талаб қилинган пуллар ҳисобидан 20.000 АҚШ доллари ва 33.000.000 сўм пулларни бўнак сифатида олган вақтларида ашёвий далиллар билан ушланганлар.