20 Minuten шарҳловчиси Уреҳ: нефть эмбаргоси Россия позициясини заифлаштирмайди. Бу ҳақда «Лента.ру» манбаси хабар бермоқда.
Нефть эмбаргоси Россиянинг позициясини заифлаштирмайди, кейинчалик ёқилғи нархининг ошиши мамлакат учун фойдали бўлиши мумкин. Бу ҳақда Швейцариянинг 20 Minuten нашри шарҳловчиси Марсел Уреҳ суҳбатлашган экспертларга таяниб ёзади.
Агар Ғарб Осиё ва Хитойга босим ўтказса, эмбарго жуда самарали бўлади, чунки Россия нефтга харидор топа олмайди. Бироқ, бу ҳолда ёқилғи нархи кўтарилади. Қайд этилишича, ҳозирда Москва ёқилғини бозордан паст нархда сотишга мажбур.
Материалда қайд этилишича, Европа Иттифоқида Россияни заифлаштиришнинг янада самарали йўли бор – Россия ёқилғисига жазо божларини жорий этиш. Экспертнинг қўшимча қилишича, узоқ муддатли истиқболда қуролли можаро жараёнига таъсир кўрсатиш учун Европа истеъмолни камайтириши ва нефть ишлаб чиқаришни кўпайтириши керак.
6 май куни Германиянинг Spiegel журнали Россия нефть импортини босқичма-босқич тақиқлаган тақдирда тезда янги бозор топа олишини таъкидлади. Россия нефти асосан танкерларда ташилганлиги сабабли, хом ашёни янги мижозларга етказиб беришга ўтиш кўп вақт талаб қилмайди. Бундан ташқари, эмбарго фактининг ўзи ресурслар нархини ошириши мумкин, чунки у жаҳон бозорида нефтнинг «тақчиллиги ҳиссини» яратади.