ОФК кубоги. Бугун "Насаф" "Олтин Аср"га қарши ўйнайди

ОФК кубоги. Бугун
Бугун ОФК кубогида юртимиз шарафини ҳимоя қилаётган "Насаф" жамоаси 3-тур доирасида Туркманистоннинг "Олтин Аср" жамоасига қарши ўйин ўтказади.

Қаршиликлар 1-турда Қирғизистоннинг "Олой" жамоасини 4:0 ҳисобида мағлуб этгандилар. 2-турда эса мезбон "Хўжанд" жамоаси 3:0 ҳисобида таслим этилди. "Олтин Аср" эса бунгача 1 та ғалаба ва 1 та дуранг қайд этган. 

Бугун ғалаба ёки дуранг ҳамюртларимизни плей-офф босқичига олиб чиқади. Туркманистонликларни эса фақат ғалаба қониқтиради. Мазкур баҳс гуруҳ ғолиби номига аниқлик киритиб беради. 

Эслатиб ўтамиз, ОФК кубогида ўйинлар 3 та турдан иборат ва фақатгина биринчи ўринни эгаллаган жамоалар август ойида ўтказиладиган плей-офф баҳсларига йўлланма олишади. 

"Насаф" иштирокидаги ўйин бугун бизнинг вақт билан соат 17:00 да бошланади. Учрашув "Узрепорт" телеканали орқали жонли эфирда намойиш этилади.