Олимлар депрессия 20 дан ортиқ хавфли касалликларга сабаб бўлишини аниқладилар
6.09.2019 14:48,
40
Жанубий Австралия университети қошидаги Соғлиқни сақлаш бўйича марказ олимлари депрессия 22 хил касалликка олиб келишини аниқладилар. Бу ҳақда муассаса сайтида хабар берилди.
Депрессив ҳолат юрак-қон томир касалликлари, астма, қизилўнгач, гастроэнтерит ва сийдик тизимининг бузилишига олиб келади. Мутахассислар генетик таҳлилдан (MR-PheWAS таҳлили) фойдаланган ҳолда 337 536 кишининг маълумотларини ўрганиб, бундай хулосага келишди.
Депрессия оқибатларини камайтириш учун шифокорлар овқатланишга катта эътибор беришни ва умуман соғлом турмуш тарзига риоя қилишни маслаҳат беришади. Бундан ташқари, улар комплекс даволаниш инсонни руҳий босимдан тезда олиб чиқишига ишонишади.