Оқолтинда икки нафар фуқаро вертолёт ёрдамида қутқарилди (фото)

Оқолтинда икки нафар фуқаро вертолёт ёрдамида қутқарилди (фото)

Сирдарё вилоятининг “Сардоба” сув омбори дамбаси ўпирилиши оқибатларини бартараф этишда Мудофаа вазирлиги Ҳаво ҳужумидан мудофаа қўшинлари ва Ҳарбий ҳаво кучларига қарашли вертолёт авиацияси иштирок этмоқда. Бу ҳақда Мудофаа вазирлиги хабар қилди.

Белгиланган режа асосида фавқулодда вазият содир бўлган ҳудудларнинг бориш қийин жойларида разведка-қидирув ишларини амалга ошираётган ҳарбийлар Оқолтин туманида икки кишини қутқарди.

Вертолётга олинган бу икки фуқаро зудлик билан Сирдарё вилоятида фаолият кўрсатаётган Мудофаа вазирлигининг ҳарбий мобиль тиббий марказига олиб келинди. Уларнинг бири 1985 йилда туғилган Эркин Омонов бўлиб, 1 оёғи жароҳатланган. Иккинчиси 1996 йилда туғилган Файзулло Қодировнинг тана ҳарорати кўтарилган.