Чернобил ҳудудида юз берган катта ёнғиндан сўнг ҳудудда радиация ортгани қайд этилди. Бу ҳақда Украина экологик инспекцияси раҳбари Егор Фирсовга иқтибосан Укринформ хабар берди.
Фирсовнинг таъкидлашича, ёнғин 4 апрел куни Владимировка қишлоғи яқинида 100 гектарга яқин майдонда юз берган. Уни ўчиришга 90 нафар қутқарувчи, икки самолёт ва вертолёт жалб этилган.
Украина экологик инспекцияси раҳбарининг хабар қилишича, ёнғиндан сўнг Чернобил ҳудудида радиация 0,14 "нормал" ҳолатдан 2,3 гача кўтарилган.
Украина фавқулодда вазиятлар давлат қўмитасининг хабар беришича, 5 апрел куни Киевда радиация даражаси нормал ҳолатда.