«Оёғини ялатган»ини айтган бошлиқ ишдан олинди

«Оёғини ялатган»ини айтган бошлиқ ишдан олинди

Ижтимоий тармоқларда Фарғона вилояти Риштон туман тиббиёт бирлашмаси бошлиғи У. Мамадалиевнинг журналист ва блогерларни ҳақорат қилиб, уларга босим ўтказгани ҳақида аудиохабар тарқалганди.

Бугун бўлиб ўтган матбуот анжуманида вилоят соғлиқни сақлаш бошқармаси бошлиғи Ҳусан Мамажонов мазкур ҳолат бўйича ахборот берган.

Қайд этилишича, Риштон тумани тиббиёт бирлашмаси бошлиғи ўз ҳоҳиши билан ариза ёзган. Аризаси қаноатлантирилиб, у билан тузилган меҳнат шартномаси бекор қилинган.

«Блогеримиз унинг ҳаракатларидан норози бўлса, белгиланган тартибда суд орқали ҳал қилса мақсадга мувофиқдир», дейди Ҳусан Мамажонов.