Ўзбек бахшичилик санъати ЮНЕСКО номоддий маданий мероси рўйхатига киритилиши мумкин

Ўзбек бахшичилик санъати ЮНЕСКО номоддий маданий мероси рўйхатига киритилиши мумкин

8-10 сентябрь кунлари Ўзбекистоннинг доимий ваколатхонаси Париждаги UNESCO штаб-квартирасида бўлиб ўтган Номоддий маданий меросни муҳофаза қилиш Конвенциясига (2013 й.) аъзо давлатлар Бош ассамблеясининг 8-сессиясида иштирок этди.

Номоддий маданий меросни муҳофаза қилиш бўйича Ҳукуматлараро қўмита (НМММҲҚ) аъзолигига Ўзбекистон номзодини илгари суриш доирасида 2022-2026 йилларда Ўзбекистоннинг мамлакатдаги бой номоддий маданий меросни сақлаш ва кўпайтиришига доир саъй-ҳаракатлари тақдимоти ўтказилди.

UNESCO шафелигида номоддий маданий меросни оммалаштиришга йўналтирилган тадбирлар (“Шарқ тароналари”, “Мақом” ва “Бахши” мусиқий фестиваллари)нинг ўтказилишида доимий кўмак учун - UNESCO котибиятига, шунингдек Ўзбекистон элементларини, жумладан 2019 йилда Хоразм лазгисини Инсониятнинг номоддий маданий мероси репрезентатив рўйхатига киритишга доир саъй-ҳаракатларни қўллаб-қувватлаганлик учун НМММҲҚга миннатдорчилик билдирилди.

Ўзбекистон томондан бахшилик санъатининг UNESCO Репрезентатив рўйхатига қўшилишида ташкилотга аъзо давлатларнинг қўллаб-қувватлашига умид билдираётгани таъкидланди.

Ўзбекистоннинг 2003 йилдаги Номоддий маданий меросни муҳофаза қилиш конвенциясини бажаришга қатъий содиқлиги тасдиқланди. Шунингдек, номоддий маданий меросни муҳофаза қилиш ва тарғиб қилиш соҳасида, шу жумладан мамлакатнинг салоҳиятини мустаҳкамлаш дастурлари ва таълим соҳасидаги лойиҳаларни амалга оширишда ҳамда ушбу секторга инновацион технологияларни жорий этишда UNESCO билан ҳамкорликни кенгайтиришга Республика томонидан қизиқиш билдирилди.