Ўзбекистон МДҲда янги ГЭСлар сони бўйича етакчилик қилмоқда
18.07.2022 15:54,
53
Ўзбекистон сўнгги беш йилда Мустақил Давлатлар Ҳамдўстлиги (МДҲ) мамлакатларида янги гидроэлектр станцияларни (ГЭС) ишга тушириш бўйича етакчига айланди, деб хабар бермоқда «Узбекгидроэнерго» АЖ матбуот хизмати.
Шу даврда Ўзбекистонда 11 та янги гидроэлектр станция қурилиб фойдаланишга топширилди, яна тўққизтаси модернизация қилинди.
Кейинги ўринларда Россияда олтита, Озарбайжонда бешта, Қозоғистонда учта, Беларусда иккита ва Тожикистонда битта янги ГЭС бор. Компания сўнгги беш йил ичида Грузия, Қирғизистон, Молдова ва Украинада бирорта ҳам ГЭС қурилмаганини таъкидлади.