Ўзбекистон Миллий терма жамоаси қачон расмий ўйинларга қайтиши маълум бўлди

Ўзбекистон Миллий терма жамоаси қачон расмий ўйинларга қайтиши маълум бўлди

Осиё Футбол Конфедерацияси Жаҳон чемпионати-2022 ва Осиё кубоги-2023 қўшма саралаш босқичининг қолдирилган учрашувлари санасини маълум қилди.

Ўзбекистон Футбол Ассоциациясига юборилган расмий хатга кўра, саралаш ўйинлари 8 октябрдан қайта старт берилади ва 17 ноябрь куни 2-босқич баҳсларига якун ясалади.

7-турни дам олиш сифатида ўтказиб юборадиган Ўзбекистон миллий терма жамоаси саралашдаги ўз юришини 13 октябрь куни Яманга қарши баҳс билан давом эттиради.

Миллий жамоамиз 12 ноябрь куни ўз майдонида Сингапурни қабул қилса, 17 ноябрда бўлиб ўтадиган сўнгги тур баҳсида Саудия Арабистони меҳмони бўлади.