Ўзбекистон ТИВ собиқ раҳбари Владимир Норов Абдулазиз Комиловга ўринбосар этиб тайинланди

Ўзбекистон ТИВ собиқ раҳбари Владимир Норов Абдулазиз Комиловга ўринбосар этиб тайинланди

Ташқи ишлар вазирлиги ҳайъати 2021 йил 31 декабрь кунги йиғилишида Ўзбекистон президентининг 2021 йил 30 декабрдаги ПҚ-74-сон қарорига мувофиқ ташқи ишлар вазири ўринбосари этиб тайинланган Владимир Норов таништирилди.

Владимир Норов Ташқи ишлар вазирлиги тизимида катта тажрибага эга. У турли йилларда ташқи ишлар вазири ўринбосари, вазирнинг биринчи ўринбосари ва вазир, Ўзбекистоннинг Бельгиядаги элчиси ва бошқа лавозимларда фаолият кўрсатган.

2019–2021 йилларда Шанхай ҳамкорлик ташкилоти бош котиби лавозимида ишлаган.

Тадбирда Ўзбекистон бош вазирининг ўринбосари – инвестициялар ва ташқи савдо вазири Сардор Умурзоқов ҳамда Ўзбекистон Президенти администрацияси раҳбари ўринбосари Алишербек Пайгамов иштирок этди.