Ўзбекистон томони, Тожикистон чегарасида жойлашган заставага, номаълум кишилар томонидан қилинган қуролли ҳужумни ўрганмоқда.
“Биз бўлиб ўтган воқеадан хабардормиз. Ҳозирги вақтда вазиятни ўрганяпмиз,”- деган Ўзбекистон чегара қўшинлари вакили. Шунингдек, у Ўзбекистон томони тожикистонлик ҳамкасблари билан доимий алоқада эканлигини айтиб ўтган.
Аввалроқ, 6 ноябрга ўтар кечаси, 20 нафар қуролланган номаълум шахслар, Тожикистоннинг “Султонобод” чегара отряди ҳарбий қисмига қарашли Ишкободдаги 4-сонли чегара заставасига ҳужум қилгани ҳақида хабар берган эдик. Ҳужум давомида, улар 5 та АКМ автоматларини қўлга киритишди. Ҳарбийларнинг операцияси натижасида, ҳужум қилган шахслар ўраб олинди ва 15 таси йўқ қилинди. Қолган 5 таси қўлга олинди.
Эслатиб ўтамиз, Тожикистон ва Ўзбекистон ўртасидаги чегараларининг умумий узунлиги 1,3 минг километрдан ортиқроқ бўлиб, икки давлат чегаралари 2018 йилда қайта очилган эди.
Мавзуга доир: Тожикистон ва Ўзбекистон ўртасидаги «Ишкобод» чегара постига ҳужум қилганлар қайси террор ташкилотидан экани маълум бўлди