Ўзбекистонда ОИТС билан касалланган қанча бемор борлиги маълум қилинди
1.02.2022 21:58,
420
Ўзбекистонда ОИТС билан касалланган беморлар сони ва бу касаллик ҳақидаги баъзи маълумотлар очиқланди.
Маълум қилинишича, бугунги кунда республикамизда 45 минг нафар одам ОИТС (СПИД) билан яшаб келмоқда. Уларнинг 55 фоизи — эркаклар, 45 фоизи — аёллар, 14 фоизини эса 18 ёшга тўлмаган болалар ташкил этади.
Таъкидланишича, ОИТС билан касалланиш кўрсаткичи юқорилиги ички миграция ҳамда аҳоли сони кўплиги ҳисобига Тошкент шаҳри ҳамда Тошкент вилоятига тўғри келмоқда.
Аввалроқ АОКАда 3 апрель, шанба куни бўлиб ўтган брифингда Коронавирусга қарши кураш штаби аъзоси Севара Убайдуллаева ОИТС ва ОИВ касаллигига чалинган беморлар коронавирусга қарши эмланмаслигини маълум қилганди.