Ўзбекистонда шоли етиштириш ҳажми ошади
25.05.2020 19:26,
181
Вазирлар Маҳкамасининг 2019 йил 20 декабрдаги қарорига асосан жорий йилда республика бўйича жами 128,2 минг гектарга шоли экилиши режалаштирилган.
Шундан асосий майдонларда 74,9 минг гектар ва бошоқли дон экинларидан бўшаган 53,3 минг гектарга такрорий экин сифатида экилиши ва ялпи шоли ишлаб чиқариш ҳажмлари 640 минг тоннага етказилиши режалаштирилган.
Ҳудудларнинг тупроқ-иқлим шароитидан ва сув таъминотини ҳисобга олган ҳолда асосий майдонларда Қорақолпоғистон Республикасида 40 минг гектар, Хоразм вилоятида 14 минг гектар, Сирдарёда 7,2 минг гектар, Тошкентда 5 минг гектар, Фарғонада 3,9 минг гектар, Андижонда 2,4 минг гектар, Наманганда 2,2 минг гектарда шоли экиш кутилмоқда.